1. COMO REALIZAR UN TRABALLO ESCRITO

3. ETAPAS na realización dun traballo escrito 1ª ETAPA: A SELECCIÓN DO TEMA Cando o traballo é proposto polo profesor, terás que entender moi ben que é o que se pretende: por iso é importante que o tema estea ben definido. Cando o traballo é por iniciativa túa, debes escoller o tema tendo en conta tres criterios básicos:

4. 1. A túa capacidade individual : non debes escoller tarefas por riba das túas posibilidades (temas moi difíciles ou moi ambiciosos); debes escoller un tema que se aproxime ós teus intereses. 2. As fontes de consulta : é necesario que fagas un traballo de documentación no que vexas o que podes ou non podes consultar (procura enterarte do que hai nas bibliotecas cercanas antes de escoller o tema) 3. O tempo de que dispós: se tes pouco, debes limitar a investigación. Se sabes con certeza o que pretendes co traballo, as etapas seguintes serán máis doadas.

5. 2ª ETAPA: RECOLLIDA DE INFORMACIÓN Unha vez escollido o tema , debes comenzar por saber que obras tratan sobre ese tema e se son accesibles. As fontes de información máis accesibles son os materiais de que dispón a biblioteca do teu centro. Para poder recoller esa información tes tres fontes esenciais:

6. Libros especializados: desenvolven o tema. Dicionarios: definen o sentido das palabras. Enciclopedias: ofrecen unha visión xeral do asunto.

8. 3ª ETAPA: O PLAN DO TRABALLO Unha vez que reuniches toda a información, debes elaborar un plan de traballo para ordenar as ideas. Deste plan resultará: A división do traballo en capítulos ou subcapítulos Os aspectos ou ideas que se van presentar.

9. A información debe ser seleccionada conforme ó tema que se está a estudar. Deberá ser eliminado todo o que é superfluo e confuso. A esta tarefa chámaselle FILTRADO DA INFORMACIÓN . Tralo filtrado, é necesario ordenar as ideas. Ordenar é organizar as informacións seguindo unha secuencia lóxica. Para eso pódese facer un índice esquemático ou unha lista de palabras ou ideas clave. Unha vez feito o esquema poderás establecer un calendario provisional.

10. 4ª ETAPA: a redacción do traballo Se fixeches un bo esquema a redacción do traballo será moito máis fácil. Aquí tes algunhas suxestións que podes ter en conta á hora de redactar o traballo:

12. 5ª ETAPA: PRESENTACIÓN E ILUSTRACIÓN DO TRABALLO Unha boa presentación agrada á vista e inflúe positivamente en quen le. Para que un traballo teña un aspecto agradable deberás coidar a presentación:

14. Calquera tema pode ser ilustrado recorrindo a fotografías, gravados, mapas e gráficos, etc. Pero non esquezas de que tódalas imaxes deben estar sempre relacionadas co texto e deberán ser colocadas cerca do asunto que ilustran. Deberán tamén ter un pé de foto explicativo.

15. 6ªETAPA: A IMPRESIÓN Se fixeches o traballo usando un procesador de texto (como o Microsoft Word), a etapa que segue é a da impresión¨.Ó mellor é unha boa idea imprimir primeiro unha versión “borrador” para corrixir posibles erros e para ver se todo sae como esperabas. Se o traballo ten máis de 20 páxinas, vai imprimindo ós poucos. En ocasións, pode que falte tinta ou que as follas se atasquen na impresora e así desperdícianse varias follas. Nunca deixes a impresora traballando soa. Máis vale previr que lamentar. Ás veces a impresora engule máis dunha folla ou as follas se atascan. Por iso é mellor botar unha ollada.

16. 7ª ETAPA: ENCADERNACIÓN A última tarefa é a encadernación. As dúas formas máis empregadas son a espiral e o canutillo, pero hai outras alternativas no mercado das que podes botar mán se o traballo non é moi voluminoso (encuadernadores, aneis, grapas…)

17. Para saber máis sobre a redación dun traballo, consulta a guía nº 1: COMO ORGANIZAR E PRESENTAR TRABALLOS Biblioteca IES Faro das Lúas Texto baseado na páxina web da rede de bibliotecas escolares de Portugal: http://www.rbe.min-edu.pt/cand%5Fmerito/recursos/PAN/ realizar_trabalhos.pdf e no traballo do Ies Poeta Añón: http://www.edu.xunta.es/biblioteca/blog/files/IESPoetaAnhon_traballos.pdf